تبریزین ظرفیت لرینی میلّی و بین‌المللی سطحده تانیتماق اوچون یئنی ۳ محور وار
تبریز بلدیه رئیسی دئدی: “تبریز، دایمی جنت”، “تبریز، آسیا اؤلکه‌لرینین یاشاییش محیطی پایتختی” و “تبریز، ایدمان و ساغلاملیق شهری” گله‌جک ایللرده تبریزین تانیتلماسی اوچون اساس محورلر اولا بیلر.
آی نیوز سایتینین خبرینه گؤره، یعقوب هوشیار تبریز بلدیه‌سینین ارتباطات مدیرلری ایله اولان صمیمی گوروشونده دئدی: “بلدیه‌نین ارتباطات مدیرلری بو ۳ محور حاقّیندا محتوا و خبر یاراداراق تبریزین میلّی و بین‌المللی سطحده تانیتلماسینا کؤمک ائده بیلرلر.”
هوشیار علاوه ائتدی: “دیلنچی سی اولمایان شهر”، “ایلک‌لرین شهری” و “تمیز شهر” کیمی آدلارین یانیندا، بو دؤورده یئنی گؤرولن ایشلر بو ۳ محور ده میلّی و بین‌المللی سطحده تانیدیلماقدا ضروری اولان یئنی معلومات منبعلریدیر.
تبریز بلدیه رئیسی، ارتباطات ساحه‌سینده یئنی تکنولوژی‌لردن ایستیفاده‌نین و شهری مدیریتین یوکسک هدفلرینین یارادیجی شکیلده آچیقلاماسینین اهمیّتینی ده وورغولادی.
هوشیار دئدی: “بلدیه‌نین سیاستلرینی حیاتا کئچیرمک اوچون عومومی مشارکتین گوجلندیریلمه سی، تشکیلاتین هدفلرینین یارادیجی شکیلده آچیقلاماسینی طلب ائدیر.”
هوشیار، سوندا مصنوعی هوش ایستیفاده‌نین تبریزین توریست و سرمایه‌گذاری ظرفیت‌لرینی داها چوخ تانیتماق اوچون بیر فرصت اولدوغونو بیلدیردی.
تبریز بلدیه رئیسی، ارتباطات ساحه‌سینده محتوا یاراتماق پروسه لرینین یاخشیلاشدیریلماسی اوچون اورتاق بیر زمینه یارادیلماسینین ضرورتیندن ده بحث ائتدی و علاوه ائدی: “تشکیلاتین وظیفه‌لری ایله باغلی شهری مشکللرین اؤز-تنقیدی و آچیق شکیلده بیان ائدیلمه‌سی، شهرلر ایله ایکی طرفلی ارتباطین قورولماسیندا موهوم رول اویناییر.”
تبریزین ظرفیت لرینی میلّی تبریزین ظرفیت لرینی میلّی
تبریز بلدیه رئیسی دئدی: “تبریز، دایمی جنت”، “تبریز، آسیا اؤلکه‌لرینین یاشاییش محیطی پایتختی” و “تبریز، ایدمان و ساغلاملیق شهری” گله‌جک ایللرده تبریزین تانیتلماسی اوچون اساس محورلر اولا بیلر.
برچسب ها :بلدیه رئیسی ، تبریز ، تبریزین ظرفیت لرینی میلّی ، تورکجه خبر ، یعقوب هوشیار
- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
ارسال نظر شما
مجموع نظرات : 0 در انتظار بررسی : 0 انتشار یافته : ۰