بو گون پروین اعتصامی ایله / شاه و یئتیم اوشاق

بیر کوچه‌دن کئچیردی جلالیله شهریار

های‌– کوی اوجالدی، اولدو او گون شنلیک آشکار

وئردی سوال، داغلی یئتیم اؤز هاماشینا
بو گؤز قاماشدیران نه‌دی شاهین تاجیندا وار؟
وئردی جواب: بیلمیرم، آنجاق ائشیتمیشم
ارزشلی اینجی‌دیر باشا قویموش او بختیار
گئتدی قاباغه بیر قاری عورت، دئدی بئله:
گؤز یاشی‌دیر! اورک قانی‌دیر، اولسان هوشیار
بو قورد کی، بیزلره تانیش اولموش بیر عؤموردور
دایم فلاکته سورونو ائیله‌ییب دوچار
عارف کی ییغدی ثروت و دولت ”حرامی“ دیر
بیر شاها کی، مولک آل – وئر ائده ائتمه اعتبار
دقتله گؤر یئتیم‌لرین قانلی گؤز یاشین
بو گوهرین پاریلداماغین آنلا کم عیار
”پروین“ یالان دئینلره دوز سؤز نه بهره‌سی
کیمدیرکی دوز دانیشماغینا ائتسین افتخار؟

شاه و یئتیم اوشاق شاه و یئتیم اوشاق

پروین اعتصامی

«ایرانین مشهور قادین شاعری»

(دوغوم ۱۲۸۵ ش- تبریز /  اؤلوم ۱۳۲۰ش – تهران)

پروین اعتصامی آدیلا تانینان رخشنده اعتصامی، « ایرانین ان مشهور خانم شاعری» دیر. اعتصامی اوشاقلیق چاغیندان، اوز آنا دیلی ایله یاناشی، فارسجا، انگلیزجه و عربجه نی اوز آتاسیندان اویرندی. او آتاسینین حمایه سی ایله، دهخدا و ملک الشعرای بهار کیمی اوستادلارین یانیندا شعر و ادبیات اویرندی. اونون آتاسی، یوسف اعتصامی او زامانین شاعیر و مترجم لریندن اولاراق پروین اعتصامی نین هنری یاشامی و استعدادلارینین اورتایا چیخماسیندا اهمیتلی رول اوینامیشدی.

پروین اعتصامی ۲۸ یاشیندا ائولنسه ده، حیات یولداشی ایله آرایا گلن آغیر فیکیر آیریلیغی ندنی ایله آیریلدی. پروین حیات یولداشیندان آیریلدیقدان سونرا بیر نئچه مدت تهرانین عالی دانشسرا سینین کتاخاناسیندا چالیشدی.

بایرام آیینین (اسفند) ۲۵نجی گونو پروین اعتصامی نین دوغوم گونو ائله «پروین اعتصامی عزیزله مه گونو» آدلانیب دیر. پروین اعتصامی نین شعر دیوانی اونون تکجه نشر اولونموش کیتابی دیر. بو کیتابدا ۶۰۶ شعر واردیر. بو شعر لر، مثنوی، قصیده و قطعه قالب لرینده دیر.

پروین اعتصامی نین شعر لری کیتاب شکلینده نشر اولمامیشدان اونجه بهار مجله سی و هشترودی نین «منتخبات آثار» بونلارلا برابر، «امثال و حکم» دهخدا دا نشر اولونموشدو. پروین اعتصامی نین دیوانینن بیرینجی بوراخیلیشی شعر سئون لر طرفیندن چوخ گوزل قارشیلاندی و بو کیتاب دفعه لر له باسیلیب نشر اولدو.

پروین اعتصامی نین شعرلرینین معنا و مضامین لری، آتاسینا اولان محبتی، علم اویرنمه یه استعداد وایسته گی، ظلم قارشیلیغیندا دایانما احوال روحیه و ظالم لرین ظلمو قارشیسیندا دایانما و یوخسول و مظلوم لارا اوره ک یاندیرماق دیر. اونون دیوانیندا یئتمیشدن آرتیق مناظره وار و ائله بو مناظره لر اونو فارس شاعرلری آراسیندا آدلیم بیر شاعیر ائدیب. بو مناظره لر اینسانلار، حئیوانلار، جانلی لار و بیتگی لر، آراسیندا هم ده اینه ساپ کیمی اشیالاریندا آراسیندا کئچیب دیر.

پروین اعتصامی نین دیوانیندا اونون بوتون شعرلرینی یوخدور. نیه کی پروین اعتصامی وفاتیندان بیر نئچه ایل اونجه بینمه دیگی بیر سیرا شعرلرینی یاندیردی.

پروین اعتصامی دیوانینین ایکینجی چاپینی گورمه دن، حصبه خسته لیگی ندنی ایله تهراندا حیاتینی ایتیردی. اونون قبری حضرت فاطمه معصومه (ص) حرمینده دیر.

  ()