مدنی ثروتیمیزین بوتون پروقرام و فعالیت لرینین محوری تدقیقاتدیر

آی نیوز– تراب محمدی استانین ان یاخشی تدقیقاچیلار و توریزم ال ایشلری و مدنی میراثین آراشدیرما نائلیت لر سرگیسینین مراسیمینده ایفاده ائتدی: بو تشکیلاتین فعالیتلرینین طبیعتی تدقیقاتا باغلی اولوب و اونو مدنی میراثیمیزین دؤیولن قلبی آدلاندیرا بیلریک.

او آرتیردی: بو تشکیلاتین تدبیرلری او جمله دن تاریخی عابیده لرین تعمیری ایشلرینه باشلامادان قاباق تدقیقات اولوناجاق کی اوندا اثرین عمومی معلومات و  توخونوشلا ماتریاللاری بیر اساسلی و نیظاملی آراشدیرما پروقرامیندا تدقیقدن کئچدیب و سونرا ایجرایی ایشلری باشلایاجاق.

محمدی بونو ایفاده ائده رک کی آرخولوژی قازینتی لاردا، ا‍‍ؤز طبیعتینه قاییدیر بو کیمی فعالیت لر تدقیقی پروقراملار آراسیندا یئر توتا بیلیر، دئدی: توریزم ساحه سینده ده ارزش لری تانییب و یاتیرم اوچون بؤلگه ظرفیت لرینی اساسلی و آراشدیرما محورینده پروقراملارا اساسا گؤرمه لیییک.

او بونا اشاره ائده رک کی بو گون استان سوییه سینده یوزلرجه تاریخی پلانین تعمیر و ایجرا اولونماسینا تانیق اولوروق آرتیردی: بو میقداردان تکجه ۳۲ آرخولوژی پلان اونیوئرسیته نین تجربه لی استادلارینین توسطیله تقدیم و ایجرا اولونوبدور.