دقیق معلومات لاندیرما و عمران پروژه‌لرینین کیفیتینه نظارت دایم اولمالیدیر
تبریز بلدیه‌سینین فنی و عمرانی معاونتی و اون بلدیه‌نین اون منطقه‌سی عمران معاونلرینین و فنی و عمرانی معاونت‌ینه باغلی تشکیلاتلارین مدیرلرینین تبریز بلدیه رئیسی ایله گوروشدولر.
آی نیوزون خبرینه گؤره تبریز بلدیه‌سینین فنی و عمرانی معاونتی و اون بلدیه‌نین اون منطقه‌سی عمران معاونلرینین و فنی و عمرانی معاونت‌ینه باغلی تشکیلاتلارین مدیرلرینین ایشتیراکی‌ایله صمیمی بیر جلسه‌ده، تبریز بلدیه رئیسی شعبانیه بایراملارینی تبریکله‌ییب و مهندس گونو‌نو قئید ائده‌رک، نوآوری و عمران پروژه‌لرینین کیفیتینین آرتیریلماسینین اهمّیتی‌نی وورغولادی.
یعقوب هوشیار مهندسلیک‌ین شهرین اینکیشافی و آبادلیغی‌نداکی یوکسک یئرینه و موقعیتینه اشاره‌ائتمکله، دئدی: «بلدیه‌ده و مهندسلیک‌ده ایشین فرقی بودور کی، هر بیریمیز بو شهرده بیر خاطیره‌لی اثر قویا بیلریک. بیر اثری کی، ایللر سونرا گؤرنده، هم فخیر هیسس ائده‌ک، هم ده خالقدا خیدمت ائتمک‌دن افتخار ائده‌ریک.»
هوشیار، عمران پروژه‌لری حاقّیندا شفاف و دقیق معلومات‌لاندیرمانین اهمّیتی‌نی وورغولایاراق، آرتیردی: «ایشلریمیزی لاییق‌لی شکیلده همشهریلره تانیت‌ماغا و مؤثّر علاقه‌لر یاراداراق، اونلارین اعتمادینی و ایشتیراکینی قازانماغا چالیشمالیییق.»
او، پروژه‌لرین کیفیتینین آرتیریلماسینین ضرورتی‌نی قئید ائده‌رک، بیلدیردی: «پروژه‌لرین کیفیتی، عمران معاونلرینین دقیق و مسئولیت‌لی نظارتی‌له بیر‌باشا باغلیدیر. تَجروبه‌لی مهندسلرین بیلیک و تخصصو‌ندان ایستیفاده ائده‌رک، بوتون اجرا مرحله‌لرینده کیفیت استانداردلارینا رعایت ائتمه‌لیییک.»
تبریز بلدیه رئیسی، عمران پروژه‌لرینده یئنی و یارادیجی فیکیرلردن ایستیفاده‌نین لزومونو وورغولایاراق، دئدی: «هر منطقه، اؤز ظرفیت‌لرینی و پوتانسیاللرینی تانییاراق، گنج و نخبه‌لرین یارادیجی فیکیرلریندن ایستیفاده ائتمه‌لی و مدرن پروژه‌لر حیاتا کئچیره‌رک، بو ساحه‌ده دها چوخ موفق اولمالیدیر.»
هوشیار سوندا، «دقیق معلومات‌لاندیرما و عمران پروژه‌لرینین کیفیتینه نظارت‌ین دایم اولماسی‌نی» وورغولایاراق، بیلدیردی: «همشهریلر پروژه‌لرین ترقی و ایرلیلمه‌سیندن آگاه اولمالی و اونلارین شهری مدیریته اولان اعتمادینی آرتیرماغا چالیشمالیییق.»
#تبریز_بلدیه‌سی
#عمران_پروژه‌لری
#نوآوری_شهرسازی‌ده
#کیفیت_پروژه‌لر
#شفاف_معلومات‌لاندیرما
#دقیق_نظارت
#یارادیجیلیق_شهرسازی‌ده
#خالقا_خیدمت
دقیق معلومات لاندیرما
دقیق معلومات لاندیرما
برچسب ها :آی نیوز ، تبریز ، تورکجه خبر ، خبر ترکی ، دقیق معلومات لاندیرما ، شهر و شهروند ، شهرداری تبریز
- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
ارسال نظر شما
مجموع نظرات : 0 در انتظار بررسی : 0 انتشار یافته : ۰