شرقی آذربایجانین والیسی وفات ائتدی
آی‌نیوز – زین العابدین خرم رضوی،شرقی آذربایجان نین والی سی وفات ائتدی.
آی‌نیوز خبرینه گؤره، شنبه گئجه یاییمدا یازیلیب: ” شرقی‌آذربایجاننین شریف و ولایت‌مدار خالقینا بیلدیریریک کی، زین العابدین رضوی خرم، اوستانیمیزین جهادچی و اینقیلابچی استانداری، ۸ ایللیک ساواشدا یارالاندیغی سببی ایله یارانان یارالانمالارینا باخمایاراق، سون دملرینه قدر نظام و انقلاب آرمانلاری اوچون مجاهدت ائدیب و یولداشلارینا قووشدو.
شرقی آذربایجان استاندارلیغی، بو یورولمیان و ولایی رزمنده نین وفاتینی رهبره (مدظله‌العالی)، شرقی آذربایجانین شریف خالقی و رئیس جمهورا تسلیت ائدیب و اؤزدن سونرا قالان عاییله‌سینه صبر و روحونا ابدی یوکسلدینی دیله‌دی.
فقیدین تشییع و دفنینی سونراکی ساعاتلاردا اعلان ائدیله‌جکدیر.
عابدین خرم، ساواشدان قالان ریوی پروبلملری و کورونا سببی ایله تبریزده امام رضا(ع) خسته‌خاناسیندا یئرلشدیریلمیشدی.
ایرنانین وئردیی خبره گؤره، سردار سرتیپ دوم زین العابدین رضوی خرم، ۱۳۴۵-جی ایلده شاهین‌دژ شهرینده مذهبی بیر عاییله‌ده دونیایا گلدی. او، “مدیریت برنامه‌ریزی” رشته‌سینده لیسانس و “استراتژیک مدیریتی” رشته‌سینده فوق لیسانسا یئتیشدی.
سردار خرم، ۱۲ یاشیندا امام‌رئوف‌له یاردیم اۆچون انقلابی فعالیتلره باشلادی و ۸ ایللیک ساواشدا حق جبهه‌لرینده چالیشدی.
او، سپاه دا تخصصلی دوره‌لاری قوتاردیکدن سونرا، ۱۳۸۹-جی ایلدن ۱۳۹۱-جی ایله قدر آذربایجان غربی سپاه شهدانین جانشین فرمانده‌سی و ۱۳۹۱-جی ایلدن ۱۳۹۶-جی ایله قدر ده فرمانده‌سی اولدو.
بو دلاور سردار ۱۳۹۶-جی ایلدن ۱۴۰۰-جو ایله قدر آذربایجان شرقی سپاه عاشورا‌نین فرمانده‌سی اولدو.
سردار خرم، سوریه‌نین قانوناً حاکم حکومتی‌نین غربی-عربی جبهه طرفینین هجوم ائتمه‌سی ایله ۱۳۹۰-جی ایللرین اوّللریندن باشلایاراق حرم دفاعی جبهه‌سینده مشورتچی اولاراق چالیشدی و ۸ آی داعش اسارتیندا قالدی.
دولت هئیتی ، ۱۴۰۰-جو ایلین ۲۵-جی مهر آییندا سردار خرمین باشقا ساحه‌لرده‌کی پارلاق ایداره‌چی‌لیک سؤزلری نظره آلینارکن اونو شرقی آذربایجان والی سی (استانداری) و دولتین بو اوستانین عالی نماینده‌سی تعیین ائتدی. شرقی آذربایجانین والیسی وفات شرقی آذربایجانین والیسی وفات ()
برچسب ها :آی نیوز ، استاندار آذربایجان شرقی ، تورکجه خبر ، شرقی آذربایجانین والیسی وفات ، عابدین خرم
- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
ارسال نظر شما
مجموع نظرات : 0 در انتظار بررسی : 0 انتشار یافته : ۰