تبریز شهر شوراسی ائو تیکن شرکت لر اوچون مخصوص تسهیلات وئریلمه‌سینی قبول ائتدی

Güncellendi: 11 Kasım 1403
تبریز شهر شوراسی ائو
تبریز شهر شوراسی‌نین عضولری، ائو تیکن شرکت لر اوچون تیکینتی مجوزی عوارضینینده 10% تخفیف وئریلمه‌سی‌نین مخصوص تسهیلاتینی قبول ائتدیلر.

آی نیوز سایتینین خبرینه گؤره، تبریز شهر شوراسی‌نین عضولری، 236-جی نوبه‌دن‌خاریج ایجلاسیندا، تبریز شهرینین 1404-جو ایل یئرلی عوارض دفتری‌نین تصویبی ایله عئینی زاماندا، ائو تیکن شرکت لر اوچون اؤزل تسهیلات وئریلمه‌سینی قبول ائتدیلر. تبریز شهر شوراسی ائو

بو مصوبه‌یه اساساً، شهر قورولوشو قانون و قایدالارینا اویغون اولاراق، لاپ آزی ایگیرمی مسکونی مجموعه قورماق اوچون اجازه‌نامه آلان تیکینتیچی‌لر، تیکینتی مجوزی عوارضینیده 10% تخفیف‌دن فایدالاناجاقلار.

بو مصوبه، ائو تیکن شرکت لر اوچون دَیَرلی بیر ایمکاندیر کی، تیکینتی خرجلرینی آزالتماقلا، شهرین اینکیشافیندا داها چوخ ایشتیراک ائده‌بیلسینلر.

تبریز بلدیه‌سی، مسکن ساحه‌سینده سرمایه‌قویماق اوچون هؤوسلندیرمک و همشهری لرین مسکونی مجتمع لره اولان احتیاجلارینی تأمین ائتمک مقصدی ایله، بو تسهیلاتلاری، شهرین اینکیشاف سییاستلری و همشهری لرین یاشاییش کیفییتینی یاخشیلاشدیرماق چرچیوه‌سینده ایجرا ائدیر.

بو اقدام، تبریز بلدیه‌سی‌نین مسکن ساحه‌سی‌نین فعاللاری و دایانیقلی شهر اینکیشافی ایله امکداشلیق جهتینده آتیلان بیر آدیمدیر

تبریز شهر شوراسی‌نین عضولری، ائو تیکن شرکت لر اوچون تیکینتی مجوزی عوارضینینده 10% تخفیف وئریلمه‌سی‌نین مخصوص تسهیلاتینی قبول ائتدیلر.
تبریز شهر شوراسی ائو

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *