تبریزین یئنی بلدییه باشچیسی: اختيلاف سببي اولماياجاغام
تبريز بلديه باشچي سي، شهرين اسلامي شوراسينین اونا وئردييی اعتيباردان تشككور ائديب و اونو شهرين گوونجه لي اينسان سئچديكلرينه گؤره دئدي: من اؤزومو بوتون 21 اويه ليك شورانين بلديه باشچيسي كيمي گؤروم و مئيدانا گيريب اولوسا و لاييقلي مسئوللارا قوللوق ائده جه يم.
صادق نجفي شهر و استانين يوكسك وظيفلي لرينين قارشيسيندا اأز تانيتما مراسيمينده بو سؤزو قئيد ائده رك آرتيردي: صداقتلي و ايسترسدن اوزاق خیدمت ائتمه یه گلميشم و هر هانسي بير شكيلده اختيلاف سببي اولماياجاغام. چونكي اينانيرام قوللوق فرصتلري محدود دور و گرك بو فورصتلردن دوزگون خيدمتلر اوچون فايدالاناق.
او آرتيردي: موختليف ذؤوقلار و فيكيرلر ايشلرين گؤرولمه سينده سوستلوغا سبب اولوب و قوللوق فورصتيني آرادان آپارماماليدير.من اختيلاف يارادان كيمسه دن ناراحات دئييلم و بيرليكده شهرين پروبلئم لريني حل ائتمه يه چاليشاجاغيق.
سؤزلرينين بير حيسسه سينده اؤلكه اينكيشافينين 20 ايلليك گليشمه پرئسپئكتيوينه و تبريزين بو پروقرامدا مقاميني قئيد ائديب دئدي: تبريزین بو سندده هولدينگ اولاراق منطقه ده اوستون شهر اولماغي قاباقجادان بيلينيب و بو مقام اويغون پلانلار و چاليشمالارلا اطرافلي اولاراق الده ائديله بيلر.
- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
ارسال نظر شما
مجموع نظرات : 0 در انتظار بررسی : 0 انتشار یافته : 0