تبریز بلدییه سی طرفیندن ۵۵ تیکینتی، مدنی، خیدمت لایحه لرینین آچیلیشی

 آی نیوز– تبریز بلدییه سی طرفیندن ۵۵ تیکینتی، مدنی، خیدمت لایحه لرینین آچیلیش مراسیمی کئچیریلدی

بو مراسیم تبریزین الغدیر مدنیت ائوینده، تبریزین بلدییه باشچی سینین حاضیر اولماسیله، شهر شوراسینین عضولری، اسلامی تبلیغات علاقه لندیرمه شورا مودورلویو (رئیس شورای هماهنگی تبلیغات اسلامی)، تبریزین فرمانداری و شهر مودورلرینین اولماقلاریله کئچیریلدی.

تبریز شهردارینین فنی و تیکینتی، معاوینی بو مراسیمده دئدی: لازیمدیرکی داواملی و تشبوسلو لایحه لری دیزاین و ایجرا ائده ک.

محمد حسین اسحقی بو ۵۵ لایحه نین نئچه یؤنلو اولماسینا ایشاره ائده رک آرتیردی: شهر سالما دیزاینی، مدنیت، خیدمت و ایدمان لایحه لری بو ۵۵ پروژه نین ایچینده یئر توتور.

او وورغولادی: بلدییه، خیدمت و گلیشدیرمه تشکیلاتی اولاراق اینسانلارلا بلاواسیطه ایلگی لنیر و شهرداری ایشچیلری خالقا دینجلیک وئرمک اوچون داواملی اولاراق ایشله ییرلر.

تبریز بلدییه سینین معمارلیق و شهرسالما معاوینی دئدی: شهرین هرطرفلی طرحی، بلدییه توسطیله، تبریز شهرینی اینکیشاف ائتمه یولونا آپارماسیندا بیر ائنسکلوپئدیادیر.