ورزقان دا بالین استیحصالی هر ایل ۸۵۵ مین کیلوگرامدان داها چوخ اولور

آی نیوز– ورزقانین کند تصروفاتی اداره چی سی دئدی: هر ایل ۸۵۵ مین ۳۶۱ کیلوگرام بال ورزقان شهرستانیندا استیحصال اولونور.

علی علیمحمدی بونو بیان ائده رک کی بو شهرستان، شرقی آذربایجان استانیندا بو ساحه ده اوچونجو رتبه نی اؤزونه اختیصاص وئریب دئدی: ورزقاندا مین ۴۹ نفر آریچی ۸۳ مین ۱۱۷ پتک موستملک لریله بیرلیکده چالیشیرلار.

او دئدی: بو میقداردان ۷۲ مین ۳۲۲ مدرن کلنی و ۱۰ مین ۷۹۵ یئرلی کلنی بال استیحصالی اوچون ایشده چالیشدیریرلار.

علیمحمدی بالین استیحصالینی مدرن پتک لرده اورتالاما ۱۱ کیلوگرام و یئرلی پتک لرده بئش کیلو ۵۰۰ گرام بیلدیردی.

ورزقانین کند تصروفاتی ادره چی سی دئدی: بو شهرستاندا پاکت له مه صنعتینین اولماماسی آریچیلارین ان اؤنملی پروبلئملریندن دیر.