تبریز بلدییه تشکیلاتلار ایشلرینین علاقه لندیرمه مودورلویونون یارادیلماسی

 آی نیوز– تبریز بلدییه باشچی سی یاخین گله جکده اؤز قرارینی تبریز بلدییه تشکیلاتلار ایشلرینین علاقه لندیرمه مودورلویونون یارادیلماسی اوچون آچیقلادی

تبریز بلدییه سینین اجتیماعی ایلگی لرینین وئردییی معلوماتا گؤره دکتور نجفی کی بو مجموعه نین یوکسک وظیفه لی موردولری ایچینده دانیشیردی بو خبری اعلان ائده رک دئدی: شهرداری یه باغلی اولان تشکیلاتلار شهرین، اداره اولونما ساحه سینده مختلیف وظیفه و مسئولیت لرینی واردیر و بلدییه گؤره و لرینین بیر حیسسه سینی بویونلارینا آلیرلار. لازیم دیرکی شهرداری یه باغلی اولان تشکیلاتلارین چالیشمالارینا، خیدمت لرین برابر یارادیلماسینا، همچینین پروقراملار اساسیندا خیدمت یئتیرمه ایشلرینی نیظاملاشدیرما، شهرداریه باغلی اولان تشکیلاتلارین ایشلرینه یوخاریدان گلن نظارتلرین چیشخیشی و بیر طرفدن ده قطعنامه بیلدیریشی، شهرین اداره ائدیلمه سی اوچون بلدییه تشکیلاتلار ایشلرینین علاقه لندیرمه مودورلویونون یارادیلماسین کی قاچینیلماز بیر مسئله دیر. بو ایش ده بلدییه نین لاییق مودورلویونون  بوایشه قونداریلماسیله مومکون اولاجاقدیر.

تبریز بلدییه باشچی سی سؤزلرینین سونوندا اومید ائتدیکی: بلدییه تشکیلاتلار ایشلرینین علاقه لندیرمه مودورلویونون یارادیلماسی ایله تبریز بلدییه تشکیلاتلاریندا اولان مختلیف پروبلئم لر و عمل ساحه سینده اولان اویغونسوزلوقلار آرادان گؤتورله جک.