کد خبر : 700

تاریخ انتشار : چهارشنبه 20 آذر 1392 - 8:10

بوتون پروبلئملرین چؤزولمه آچاری بلدییه الینده دئییل

آی نیوز– بوتون مشکل‌لرین چؤزولمه آچاری بلدییه الینده دئییل و بوتون مسئوللار و اجرا حاکمیتی گرک بو آرادا بلدییه یه دستک اولسونلار.

دکتر نجفی بو سؤزو دئیه رک آرتیردی: سویداشلارین یوخاری حجمده ایستکلری، گلیر و مالی قایناقلارین محدودیتی،داواملی گلیرلرین اولماماسی، دؤولتین بلدییه دن حیمایه سینین ضعیفلییی و شهرین مجبوری گلیشمه سینین چئشیتلی طلبلری، حاضیر اولان شراییطده شهر رهبرلییینین اوزلشدییی چتینلیک لر دن ساییلیر و بو آرادا اعتیراف ائتمه لیییک کی بلدییه شهرین اداره مسئولو اولاراق تک باشینا بوتون پروبلئملری و ایستکلری جاوابلایانمایاجاق و بوتون رهبرلیک سئکتورلاری و مسئوللار گره ک بو آرادا بلدییه باشچیسینا دستک اولسونلار.

بلدییه باشچی سی سؤزلرینین بیر بؤلومونده دئدی: بعضی گؤزلملرین(انتظارات) عکسینه اولاراق شهرین بوتون پروبلئملری بیر گئجه یه و تئزلیکله چؤزوله بیلمز و بیز اؤنجه لیک(اولویت)لردن آسیلی اولاراق شهرین گلیشمه و آبادانلیغی اوچون داواملی ایجرالار و پلانلار ائتمه لییک.

لینک کوتاه