آنا و بالا مونوکسیدکربن گازیله اؤلدولر

آی نیوز– سون گونلرده هاوانین آغیر درجه ده سویوقلاشماسییلا، تبریزین شهرک طالقانی محله سینده ۳۷ یاشلی آنا ۱۶ یاشیندا اوغلو مونوکسیدکربن گازیله زهرلنیب اؤلدولر.

 استاندا تعجیلی یاردیم طیب و حادیثه مودیرلی مرکزینین خالقلا علاقه دار سوروملوسو دئدی« بو اولای ساعات ۱۳:۱۵ ده استانین ۱۱۵ نظارت اوتاغینا گزارش اولدوقدان سونرا تبریزین ۹-جو استانسیییا تکنسینلری حادیثه مکانینا سؤوق ائدیلدیرلر.

حبیب حسینقلی زاده دئدی: اولای یئرینه گئدن تکنسین لرین دئدییینه گؤره بیر نفر حامامدا او بیری ایسه ائوین آچیق مکانیندا جان وئریب.

او گؤرولموش تدقیقلارا اساسا قیزدیریجی بوروسو توتولماسینین بو حادیثه سبب اولدوغونو قئید ائتدی.

حسینقلی زاده وطنداشلاردان گاز تئخنیکاسی اوچون بؤلونموش آیری- آیری استیفاده ائتمه لرینی ایسته دی و ائوین داخیل و خاریجینده هاوا مبادیله سی اوچون قاپاق نظرده آلیسنلار.