بلدییه پروقراملارین باشیندا شهرین کؤهنه تیکینتی لرینین یئنی دن برپا ائدیلمه مؤوضوعسو وار

 آی نیوز-بلدییه پروقراملارین باشیندا شهرین کؤهنه تیکینتی لرینین یئنی دن برپا ائدیلمه مؤوضوعسو وار.

 تبریز بلدییه باشچی سی دئدی: شهرین کؤهنلمیش تیکینتی لرینین یئنیدن برپا ائتمه جهدی شهرداری نین ایشلر و وظیفه لرینین باشیندا اولمالی دیر.

تبریز بلدییه سینین اجتیماعی ایلگی لرینین وئردییی معلوماتا گؤره دکتور نجفی شهرین کؤهنه توخونوشونون یئنیدن برپا ائدیلمه مؤوضوعسونا بوتون ارگانلارین اهمیت وئرمه لرینی وورغولایارکن دئدی: بو ایشین وطنداشلارا اساس اقتیصاددا رفاه چاتمالارینین، تهدیدلر و طبیعی فلاکتلر خصوصیله زلزله یه قارشی شهر و شهر یئرلرینین آبادلیق و گوجلندیرمه سی و شهرین ترازلی انکیشفافینین تآمین ائدیلمه سی بیلدیردی.

تبریز بلدییه باشچی سی سؤزلرینین باشقا بؤلومونده شهرین اسکیلمیش تیکینتی لرینین ساحه سینده بلدییه الینده اولان اهمیتلی لایحه لره اشاره ائده رک دئدی: ایندی لیکده شهرداری طرفیندن ایجرا اولونان پلانلار وارکی جیددی اولاراق ایشه باشلانیلیب او جومله دن گلستان بلوکو، قدیم دیزاین، آیسان و میار میار بلوکلاری دیر و باشقا بلوکلارین یئنیدن دوزلتمه پلانلارینین باشلاماسی واردیر.

دکتور نجفی سؤزلرینین داوامیندا  بحران واختلاریندا خصوصیله زلزله واختیندا ۲۵۲۰ هکتاردا اولان کؤهنه تیکینتی لرین، وطنداشلارین جانینا قارشی جیددی خطرلی اولمالارینا ایشاره ائتدی یاخین گله جکده وطنداشلارین جانلارینین تهلوکه یه دوشمه لرینین، قارشیسینی آلماغا تکجه یول سورعتله کؤهنه تیکینتی لرین یئنیدن برپا ائدیلمه سینه جهد گؤسترمکدیر.